माझी नर्मदा परिक्रमा २०१६-१७ : ४

        अरण्डी आश्रमात मुक्काम होता, दैनंदिनी साधारण अशी होती सकाळी 3:45 ते 5:00 ध्यान धारणा, 5: 00 ते 6:00 प्रात:विधि, स्नान, स्नान नार्मदेवर जावून नार्मदेच्या काठावर गुढाघाभर पाण्यात जावून 5 डुबक्या घेणे, जेथे नर्मदा खुप लांब आहे तेथे हात पम्पावार अथवा विहीरिवर स्नान करीत असे. 6:00 ते 6:45 पूजा त्यानंतर चहा, चहा शक्यतो बिन- दूधाचा, खुप-खुप साखरेचा व् आयुर्वेदिक असे. कधी-कधी बाल -भोग (नाश्ता) मिळत असे. साधारण 7:15 ते 7:30 पर्यन्त पुढील प्रवास सुरु होई. आजचा प्रवास अरण्डी ते कबीर चौथरा, करंजिया, मेढाखार असा होता.संबंध रस्ता घनदाट जंगलातून होता मी एकटाच प्रवास करीत होतो मनात भीतीही वाटत होती आजचा प्रवसाचा दूसरा दिवस होता नवखा प्रदेश,भाषा वेगळी, पटकन समजत नव्हती, साधारण 9:30 ला काबिरचौथर्याला पोहोचलो दाट जंगलात कबिरांची कुटिया आहे व् एक अतिशय जुने व खुप मोठे वाडाचे झाड़ आहे त्याखाली कबिरांनी काही काळ साधना केली होती. आजही तेथे कबिरांचे वंशज तेथे राहतात. कबिरांची साधना बघून नार्मदामैया त्याना भेटायला येथे जंगलात आलेली आहे. येथे भेट देऊन पुढील प्रवास सुरु केला आता सोबत बरीच वानरे व् माकड होती, हिराव्यागर वनातून जाताना भीतिबरोबर सुखवाह ही वाटत होते. प्रथमच काही परिक्रमावासी रसत्याने चालताना भेटले, आई, वडील व मुलगा परिक्रमेला निघलेले, नार्मदेहर झाले त्यांच्याबरोबर चहा घेतला व् पुढे निघालोे 80,82 वर्षाच्या गृहस्थाने नार्मदेहर केले व् सोबत चालू लागले त्यांचा पोशाख पाहून मनात शंका डोकावून गेली, की योग्य व्यक्ति नाही. गप्पाच्या ओघात त्यानी त्यांच्या घरी आजच्या मुक्कमाचे निमंत्रण दिले, शंकेपोटी लगेच नकार दिला, पुढे गप्पातुंन जानवाले की त्यांचा शास्त्रांचा अभ्यास झालेला आहे, त्यांची माफ़ी मागून त्यांचे निमंत्रण स्विकारले, पुढे प्रवासत बऱ्याच गप्पा झाल्या,4:30 ला त्यांच्या घरी मेडाखारला पोहोचलो,

मेढाखारची नर्मदा किनाऱ्याची सकाळ, 

नर्मदा मातेचे लहान स्वरूप, मेढाखार

आरंडी आश्राम ते कबीर चौथरा जंगलातून रस्ता  

कबीर चौथरा येथील कबीर बड, वडाचे झाड.
 ज्याच्या खाली बसून कबीरांनी तपस्या केली होती.

मेढाखारला नर्मदा किनारी असलेला एका मोठा पाषाण,
नर्मदेला कितीही पूर आला तरीही अनादिकालापासून तसाच जागेवर आहे.

मेढाखारच्या पुढे असलेला नर्मदा व आरंडी नदीचा  संगम 

नर्मदा किनारी ध्यानावस्थेत असलेला साधक

गुलबकावलीचे फुल, कबीर चौथरा 

कबीर चौथरा येथील कबिरांचे वंशज शेजारी नर्मदा कुंड.

मेढाखारचे  श्री. तिवारी त्यांची पत्नी, व पुतण्या,
सोबत त्यांचे परम मित्र स्वामी रामेशानंद  

नर्मदा किनाऱ्यावरील आश्राम मेढाखार 

नर्मदा कुंड कबीर चौथरा 

गुलबकावली